Þetta var einstaklega áhugaverð grein og umfjöllunin um hana í tímanum var einstaklega áhugaverð. Þessi greinarmunur á milli djúp og yfirborðslærdóms var ákveðin uppljómun (e. revelation) fyrir mig. Sérstaklega hvað veldur því að við nemendur læra á einn eða annan veg, þ.e.a.s. námsumhverfið og hönnun námsverkefnana. Ég hef alltaf verið góður nemandi. Mér finnst mjög gaman að læra. Mér finnst gaman að læra ólíklegustu hluti. Vísindi, mannkynssögu, matargerð, smíði, tungumál …o.s.frv. Ég hef alltaf lagt mig fram við að reyna að skilja það sem ég læra í kúrsunum sem ég hef tekið. Ég tók kúrsa til þess að nema einhver hugtök, ekki til þess að fá góða einkunn. Hins hef ég óhjákvæmilega lært suma hluti með yfirborðsnálgun vegna TÍMAPRESSU eða GERÐ verkefna[GG1] .
Í kúrsinum sem ég kenni eru bæði fyrirlestrar og verklegir tímar. Í verklegum tímum byggja þau og mæla rásir. Þessar rásir eru tengdar einhverjum ákveðnum hugtökum. T.d. er einn verklegur tími “Tíðnisvörun” annar “mismunamagnari”. Ég hef tekið eftir því að þau læra miklu meira í verklegu tímunum en í fyrirlestrum. Iðulega fer ég í hugtökin fyrst í fyrirlestrum og síðan tökum við aftur á þeim í verklegu tímunum. Það er líka töluvert skemmtilegra fyrir mig í verklegu tímum. Það er vegna þess að nemendurnir vinna saman í 2-3 manna hópum meðan ég geng á milli. Það skapast yfirleitt mjög skemmtilegar umræður þegar þau lenda í einhverjum vandræðum eða reka sig á. Ég held að þau læri töluvert meira á þessum mistökum og samræðum heldur en í fyrirlestrum[GG2] .
Þetta er svo miklu skemmtilegra form á tímum að ég hef búið til “Verklegan Fyrirlestur”. Þ.e.a.s. skv. námsáætlun voru auk fyrirlestra, 4 verklegar æfingar og 1 hönnunarverkefni. Þessar verklegu æfingar gilda til einkunnar. Verklegi fyrirlesturinn gilti ekki til einkunnar en var að öðru leyti skipulagður eins og verklegur tími. Ég held að nemendurnir hafi þótt það skemmtilegra líka. Ég ætla að skipuleggja fleiri verklega fyrirlestra[GG3] . Það tekur hins vegar lengri tíma að skipuleggja þá en venjulega fyrirlestra. Ég ætla líka að gera það sama í kúrsinum Rafeindatækni 1 sem ég kenni eftir áramót.
Ef maður notar ekki þekkinguna þá lærir maður hana ekki..
Eins og þau nefna í þessari grein þá eru verkefni sem ýta undir djúpskilning open-ended verkefni, eins og hönnunarverkefni. Ég ætla að fjölga þeim í Rafeindatækni 1. Ég man að það voru ekki mörg open ended verkefni í verkfræði. Það var nánast alltaf til eitt RÉTT svar. Ég man að einn af fyrstu kúrsunum sem ég tók við University of Michigan var Neural Engineering. Það var hálfgerður leskúrs með mikið af open ended verkefnum. Ég man að ég HATAÐI þessi open ended verkefni[GG4] . En ég lærði töluvert á þeim. Maður þurfti að kafa í rannsóknarliteratúrinn til þess að gera þau. Þau voru góð og góður undirbúningur undir rannsóknavinnu sem er eitt STÓRT open ended verkefni. Við þurfum að þjálfa nemendurna í því að kljást við svona open ended verkefni þótt þau séu óþægileg. Kannski vegna þess að þau eru óþægileg[GG5] .
Eins og kom fram í Teaching teaching and understanding understanding er nauðsynlegt að búa til góð hæfniviðmið sem stíla inn á djúpskilning. Markmiðið með rafeindatækni er að nemendurnir geti hannað og greint rafeindarásir. Ég ætla að hafa fleiri hönnunarverkefni í Rafeindatækni 1[GG6] .
[GG1]Athyglisvert – þannig að sterkur djúpnálgunarnemandi eins og þú verður líka á vissan hátt leiksoppur aðstæðna sem þér eru skapaðar í námi.
[GG2]Spurning hvort þú prófir að snúa þessu við einhvern tíma þ.e. fyrst fá nemendur að ‘koma við efnið’ í verklegum tíma þar sem þeir reyna á sig og fá að taka þátt í umræðum félaga og kennara – í tímanum á eftir fer kennarinn svo í lykilhugtökin og getur þá vísað í verklega tímann til að kanna skilning og búa til tengingar
[GG3]Skil ekki alveg hvernig þeir eru – heldurðu þá fyrirlestur í verklega tímanum – þarna eru þá örugglega að samþætta vel þekkingu og reynslu nemenda
[GG4]Af því þú varst óvanur þeim og þau gengu í þverhögg við það sem þú varst áður búinn að tileikna þér – heim með einu rétti svari?
No comments:
Post a Comment